Þorri Bragason kíkti heim úr tíu daga leiðangri til vestfjarða þar sem hann stóð í ströngu við snjóþoturallý og almennan krúttskap á meðan foreldrar hans stóðu í ströngu. Annað þeirra eyddi óhóflegum tíma á Ísafirði við fundahöld á meðan hitt var innilokað í snjóskafli sem umlykur bústaðinn okkar þessa stundina.
Við lentum í ýmsu yfir páskana. Hæst ber að nefna þegar við urðum vitni að dýfingum með frjálsri aðferð hjá fjórum hraustum ungmennum á Ford pick-up ofan í pollinn á Ísafirði. Sem betur fer komust allir upp úr lauginni lifandi en ansi margir brostu út í annað þegar bíllinn var á endanum dreginn upp úr og nokkrar bjórdósir hrundu úr bílnum. Veit ekki hvað...
Það var ansi mikið af skemmtilegu fólki fyrir vestan og helst ber að nefna hressa bandið Hraun! sem bar af í glæsileik. Við kíktum á tónleika með strákunum í Edinborg á Skírdag. Nokkuð hresst.
Bessa frænka kom með frábæra hugmynd um hvað mætti gera til að hressa upp á atvinnulífið á Flateyri. Henda bara íbúunum í burtu og gera þorpið að einu kvikmyndaveri. Hlýtur að vera markaður fyrir þetta. Skilur alla vegana ekki eftir sig olíubrák á stærð við Texas...
Útsýnið var fullkomið í tvo daga. Það var skafrenningur hina dagana.
Heimferðin var svo löng og leiðinleg. Skafrenningur frá Ísafirði og niður Hrútafjörð. Ófært yfir Hestkleif þannig að við þurftum að fara Reykjanesið hvers vegir voru hrikalega slæmir. 7 1/2 tími í heimferð án teljanlegra stoppa.
Hægt er að sjá myndir hér.
Háttvirtur Bragi reit 01.04.08 15:17Flottar myndir að vestan... frábært að fá amk e-a fallega sólardaga...
Hvenær á að kíkja í kaffi?
Athugasemd eftir Benglind reit 05.04.08 23:14Það passar, bloggið var skýrt eftir hinni goðsagnakenndu hljómsveit Take That. Fyrst á íslensku, þá á rússnesku og nú á japönsku. Það er reyndar dálítið langt síðan ég stofnaði það og ekki víst að allir sem ramba hér inn hafi notið tónlistar þessara goða en samt. Var einhvern tímann góður djókur.
Athugasemd eftir Bragi reit 07.04.08 16:21