mar. 03, 2005

Helvítis flugvöllurinn, fari hann fjandans til!

Já burt með þetta malbiksrandaróféti úr Vatnsmýrinni. Frekar vildi ég sjá blauta fætur vappa þar um á milli fífukollanna en að halda í þetta ræmufargan sem spillir, spælir og spjallar rætur Öskjuhlíðarinnar. Það guðsvolaða andskotans fyrirbæri má fara fjandans til. Og viti menn, ég þarf ekki að rökstyðja mál mitt. Framsóknarpakkið gerir ekki einu sinni tilraun til þess, afhverju ætti ég þá að leggja mig í líma við að finna upp á einhverjum röklegum afleiðum og aðleiðslum. Við heimspekipakkið ættum kannski að halda af stað í jafnréttisbaráttu rökhyggjunnar. Við krefjumst jafngildra raka!! Slíkar upphrópanir gætu staðið á skiltunum.

Miltisbrandur og morðvélar þær er fylgja vítisvotti sem þessum skal í burt. Ég sver við tengdason föður konunnar minnar að ég muni gera allt sem í mínu himneska valdi er hægt til að koma í veg fyrir þetta ófremdarverk, hryðjuverk gagnvart svefnfrið mínum. Ég mun jafnvel skrifa grein í moggann!

Háttvirtur Bragi reit 04.03.05 11:30
Háttvirtir rituðu:

Hlakka til að sjá þig eftir ekki einu sinni 3 vikur!!!!!JEY

Athugasemd eftir Sigrún systir reit 04.03.05 14:52

Sammála, burt með flugvöllinn og íbúðabyggð í staðinn. Mér er alveg sama þótt að Framsóknarmenn verði lengur heim í sveitina vegna þess.

Athugasemd eftir Lalli reit 05.03.05 00:16

Þetta er náttlega bara skandall og enn eitt merki um dugleysi þingmanna Reykjavíkinga sem virðast almennt áhugalitlir um þetta gríðarlega hagsmunamál okkar, ef frá eru taldir einn og einn.
Burt með þetta drasl í einum grænum.

Athugasemd eftir Valli reit 07.03.05 18:59

Hahahaha ég var að fatta þetta "tengdason föður konunar minnar"

Athugasemd eftir Sigrún systir reit 07.03.05 19:39
Hjarta mitt gleðst ef ritar þú:









Muna eftir mér?







Frá 25. apríl 2003